GERO AXULAR DANTZA TALDEAK, Donostiako Udaleko DONOSTIA KULTURA FESTAK sailarekin batera, baserritar jantzien lehiaketa antolatuko du Boulevardeko kioskoan (Donostia), #dotorejantzi ekimenaren barruan. Lehiaketaren helburua, baserritarrez janzteko aukeretan baserritar jantziaren erabilera duina bultzatzea eta zabaltzea da, eta herritarrak, jantzi horiek soinean dituztela egunaz gozatzera irtetea, betiere, jatorrizko diseinuak eta erabilerak arretaz eta begirunez zainduta.

Harro gaude albiste bikain bat partekatzeaz: Gipuzkoako Foru Aldundiak gure JARDUERA INTERES SOZIALEKO deklaratu du 2024-2027 aldirako, eta mezenasgo kulturalerako pizgarri fiskalei buruzko 2/2019 Foru Arauaren 5.4 artikuluaren b) eta d) apartatuetan egindako lana aitortu du.